Posted by
” നിന്റെ കണ്മുന്നിൽ വച്ച് ഇത്രയൊക്കെ നടന്നിട്ടും ആർക്കും ഒരു ചുക്കും ചെയ്യാൻ പറ്റിയില്ലല്ലോ.. അപ്പൊ മനസ്സിലാക്കിക്കൂടെ ദൈവം എന്റെ ഭാഗത്താണെന്ന്… ” അട്ടഹസിച്ചുകൊണ്ട് പറഞ്ഞു.
” നീ നോക്കിക്കോ… ഇതിന്റെയൊക്കെ അവസാനം നീ കരയും.. ”
” ഉവ്വ.. ” പുച്ഛഭാവത്തിടെ പറഞ്ഞുകൊണ്ട് ഷിജു മുറിവിട്ടുപോയി.
രാത്രി അത്താഴം ടേബിളിൽ നിരത്തി. ഷിജു ഉള്ളത് കൊണ്ട് തന്നെ ഗോഹുൽ ഹാളിലേക്ക് വന്നില്ല, പക്ഷെ അവിടെ നടക്കുന്നതെല്ലാം തന്റെ റൂമിൽ വച്ച് ഗോഹുൽ നിരീക്ഷിക്കുന്നുണ്ട്. പാതി അടച്ച വാതിലിന്റെ ഇടയിലൂടെ അവൻ ഒളികണ്ണിട്ട് നോക്കി.
ഡയനിംഗ് ടേബിളിന്റെ ഒത്ത നടുക്കായി ഷിജു ഇരിക്കുന്നുണ്ട്, എതിർ വശത്തായി മാളവിക വന്നിരുന്നു. അവന്റെ നിർബന്ധപ്രകാരമാണ് അവിടെ ഇരിക്കേണ്ടി വന്നതെന്ന് അവളുടെ വാടിയ മുഖം കണ്ടപ്പോൾ തന്നെ മനസ്സിലായി. ഈ സമയം കഴിക്കാനുള്ളതുമായി അമ്മ ഹാളിലേക്ക് വന്നു. ആദ്യം ഭർത്താവിനെന്നപോലെ ഷിജുവിന് വിളമ്പി കൊടുത്തു, ശേഷം മാളുക്കും എടുത്തു കൊടുത്തു.
” നീ ഇരിക്കുന്നില്ലേ..? ” നിരുപമയോട് ചോദിച്ചു.
” ഞാൻ പിന്നെ കഴിച്ചോളാം.. ” തല താഴ്ത്തികൊണ്ട് നിരുപമ മറുപടി നൽകി.
” അതൊന്നും പറ്റില്ല.. നീ എന്റെ കൂടെ ഇരുന്ന് കഴിക്കണം.. ” ഷിജു നിർബന്ധം പിടിച്ചു. വേറെ നിവർത്തിയില്ലാതെ നിരുപമ അവന്റെ അടുത്തായി ഇരുന്നു. ഷിജു തന്നെ അവൾക്കുള്ളത് വിളമ്പിക്കൊടുത്തു.
ഇതൊക്കെ കണ്ട് ഗോഹുലിന്റെ തൊലി പൊളിഞ്ഞിരിക്കുവാണ്. അച്ഛന്റെ അധികാരം കാണിക്കുകയാണവൻ.