Posted by
പക്ഷേ അല്പനേരത്തെ മൗനത്തിനുശേഷം അല്പം മടിച്ചാണെങ്കിലും അവൾ മറ്റൊരു കാര്യം കൂടെ എന്നോട് പറഞ്ഞു,,
ഡോക്ടർ ആദ്യമൊക്കെ പെരുമാറിയിരുന്നത് നല്ലൊരു സുഹൃത്തിനെ പോലെ മാത്രം ആയിരുന്നുവെങ്കിലും ഈ അടുത്തിടെയായി അയാൾ തന്നോട് കൂടുതൽ സ്വാതന്ത്ര്യം എടുക്കുന്നതുപോലെ തോന്നിയിട്ടുണ്ടെന്നായിരുന്നു അവൾ പറഞ്ഞത്,,,
മുമ്പൊക്കെ വെറും ചെക്കപ്പിനോടനുബന്ധിച്ചും ചെറുതായി ചില തമാശകളും മാത്രമായിരുന്നു അയാളുടെ സംസാരമെങ്കിൽ, ഈ അടുത്തിടെ അവളുടെ സൗന്ദര്യം, വസ്ത്രധാരം, ശരീരഘടന എന്നിവയെ കുറിച്ചാണ് കൂടുതലായി സംസാരിച്ചിരുന്നതെന്ന് അവൾ അല്പം ഭയത്തോടെ എന്നോട് പറഞ്ഞു.
ഇതൊന്നും ഇതുവരെ ഇവൾ എന്നോട് എന്തുകൊണ്ട് പറഞ്ഞില്ല എന്ന ചോദ്യമായിരുന്നു എന്റെ മനസ്സിലേക്ക് ആദ്യം കയറി വന്നത്,,,
എങ്കിലും ഞാൻ ഒന്നും കൂടുതൽ ചോദിക്കാൻ നിന്നില്ല,, കാരണം അവളിപ്പോയെ ഭയന്നിരിക്കുകയാണ്,,, പോരാത്തതിന് അയാളുടെ സംസാരങ്ങൾ അവൾക്ക് ഇഷ്ടപ്പെടുന്നില്ലായിരുന്നുവെങ്കിൽ അവൾ തുടർന്നും അദ്ദേഹത്തിന്റെ അടുത്തേക്ക് പോകാൻ സാധ്യതയില്ലായിരുന്നു!
എല്ലാത്തിലും ഉപരി ഈ കാര്യങ്ങളൊക്കെ എന്നോട് പറഞ്ഞാൽ ഞാൻ അവളെ വെറുതെ തെറ്റിദ്ധരിക്കുമോ എന്നോ,, അല്ലെങ്കിൽ അനാവശ്യമായി ഞാൻ ആ ഡോക്ടറുമായി വഴക്കിട്ട് അവരുടെ ആ നല്ല സൗഹൃദം തകർത്തു കളയുമോ എന്ന് വല്ലതും അവൾ ഭയന്നിട്ടുണ്ടാകാം!
വാരാന്ത്യം വന്നെത്തി,, പറഞ്ഞുറപ്പിച്ചത് പോലെ, ഡോക്ടർ നമ്മുടെ വീട്ടിലേക്ക് അത്താഴത്തിന് വന്നു